Vitinn heldur úti fjölbreyttri dagskrá í samstarfi við nemendafélagið sem tekur mið af áhugamálum hverju sinni. Starfið einkennist af gagnkvæmri virðingu, jákvæðum samskiptum og unglingalýðræði. Upplýsingar um starfið má finna á Facebook og Instagram-síðum Vitans. 

Vitinn kemur að mörgum viðburðum sem snúa að félagslífi unglinganna. Grunnskólahátíð er sameiginlegt ball allra grunnskólanna í bænum og er hún samvinnuverkefni allra félagsmiðstöðvanna í bænum og er að jafnaði haldin um miðjan febrúar. Vitinn sér einnig um árshátíðina.

Vitinn leitast við að ná til ungmenna sem ekki stunda heilbrigt tómstundarstarf eða teljast til áhættuhóps. Í Vitanum er hverjum einstaklingi mætt á sínum forsendum og veitt tækifæri til að njóta sín í félagsstarfinu.

Vitinn er staðsettur í íþróttahúsi Lækjarskóla á annarri hæð.