Alþjóðlegur dagur gegn einelti er þann 8.nóvember ár hvert. Markmið dagsins er að efna til umræðu, fræðslu og viðburða sem miða að því að vinna gegn einelti, hvetja til jákvæðra samskipta og efla vináttu. Dagurinn er þannig helgaður baráttunni gegn einelti í skólum landsins og er mikilvægt tækifæri til að minna á sameiginlega ábyrgð okkar allra til að stuðla að öruggu og jákvæðu skólaumhverfi. Þar sem dagurinn hittir á laugardag í ár ætlum við að halda upp á hann mánudaginn 10. nóvember. Við hvetjum öll sem vilja taka þátt að mæta í grænu eða með eitthvað grænt þar sem grænn er litur verndara í eineltishringnum. Deila Tísta
